Kea 'a 'diwɔnmɔa'
36
Dafi ‑ɔ ‑nɩa Tʋ "bo 'a dbonʋɩ ɔɔ' 'dʋ ɔ blea ɔ "nyɩa bleʋn 'a klaa" a.
2 'De 'ma ‑cɛ" 'ʋn dɛ 'ma naa tɔ' "kpei
‑wɛe 'ma 'tmʋa ɛmɛ ‑nɩ: 'Diwɔnynii 'na
nyɔ ‑ɔɔ pleea Kea se tɔ' 'di nɩ‑.
3 Ɔɔ pooɛ ɔɔ' ‑cɛ" 'srɛi, ɔ 'na:
Dɛ 'ɩn nʋ mɔ ‑wɛe 'ɩn 'je "i juuo‑ ‑ɛ?
4 Nyʋ "jru i di ‑tɩ ke sɩ ‑tɩ 'a 'sʋ mɩ ‑ɩa ‑wlʋ 'de ɔ 'wɔn.
Ɔɔ' naa 'dɔe nʋ ‑tɩ tɔ' "kpei.
5 Dɛsaʋn 'a 'sʋ mɛ ɔɔ naa tɔ' "kpei 'de ɔɔ' 'pɛɩn'.
‑Jeblʋ ‑saʋn kpaa' 'a 'sʋ mɛ ɔ 'nɛ 'mii,
ɔɔ' ‑fuun dɛsaʋn nya.
6 ‑Tʋ"bo ‑ma nyiɔ ‑tɩ kmaa' o,
‑ma wlu "kpei kpʋan' o,
ɩ mu' mamaʋ 'sʋ ɩ je 'e jaʋn 'di nyni.
7 Ka crɩ tɩan ja, 'ka ‑ma "isrɛ sʋn nɩ‑,
‑ma 'pee 'jesʋn tɛn ‑sɔn ka 'tɔni ‑sɔn nɩa.
‑Mɔɔ ‑pʋʋ' nyiɔ ke nmii ke‑ Tʋ "bo.
8 'Oo Kea, ‑ma nyiɔɔ' tɩ' kmaa' nmɔ "jrii kaa‑,
'de ‑ma ‑fli ‑sɔn 'bomɔ nyiɔɔ' "nynuu‑ a paa 'kwla.
9 'De ‑ma ‑gbu" 'di 'bo ʋʋa dii dɛ ‑wɛe ʋʋa dbo.
‑Ma nyiɔɔ' ‑tɩ' kma ni mɛ ʋʋa 'na.
10 'De ɛ 'ʋn 'bomɔ 'kmʋnɩa' 'a "jru wlʋ
'de ɛɛ' ‑sɔn' 'ʋn 'bo ‑aa ‑jeei.
11 Nyɔ ‑juuo ‑a ‑ʋn ‑ɛ, ‑ɩn kpa ʋʋa' ‑tɩ' 'a kmaa' nya.
‑Wɛe ‑ma nyiɔɔ' ‑tɩ' kmaa' ke ‑ma "isrɛa' 'jee
nyʋ ‑ʋʋa pɛe ‑kwea i "kpei nɩ‑.
12 ‑Cɛi" 'bɛʋn 'bo 'ʋn bʋ ‑sɔn i sʋʋan,
'de 'ɩn 'bo 'diwɔnyniiʋn "juɛi pleɛ.
13 Ao ‑gbʋn, 'Diwɔnyniiʋn ‑nʋ ‑kai ‑wɛ.
Ʋʋ ‑kai', ʋʋ se "jɛi" mua' 'bɛɛ i 'bode.